Kapin sa dosintos ka mga Senior Citizens sa Barangay Cabulohan, Cabanglasan, Bukidnon ang nakadawat sa bugas, vitamins, mosquito net, assorted groceries ug mga freebies nga gitunol atol sa maong aktibidad nga gipahigayon karong adlawa, September 21, 2025.
Gipangunahan mismo sa CEO and President Sir Richard Soriano Villaronte kauban sa tibuok niyang pamilya ug sa tanang empleyado sa RSV Group of Companies ang paghatud sa tinuoray ug kinasing-kasing nga Serbisyo Publiko ngadto sa mga senior citizen sa maong lugar.
Dako ang pasalamat sa Mayor ug Barangay kapitan ingon man sa tibuok konseho kinsa mitambong usab sa maong aktibidad.
Matud pa niini nga swerte kaayo nga ang ilahang barangay ang napilian nga mahatdan sa kinasing- kasing nga pahalipay.
Makita usab sa hulagway sa matag senior citizen ang kalipay ug walay puas nga pasalamat tungod sa ilang naangkon.
Kini nga kalihukan usa kini sa mantra sa RSV Group of Companies kon diin walay laing tumong ug tuyo kondili ang paghatud sa tinuoray nga Serbisyo Publiko ngadto sa mga pinalangga namong mga KaJuander kinsa padayon usab sa kanunay sa ilahang walay puas nga pagsuporta sa RSV Group of Companies.
