Dali nga nagpaabot og tabang ang RSV Group of Companies sa mga residenteng naapektuhan sa baha sa Valencia City, Bukidnon.
1,500 ka piraso sa burger ug 1,500 ka mga bottled water ang gitunol mismo ngadto sa mga evacuees nga anaa sa Valencia City Gymnasium nga maoy nagsilbing evacuation center.
Mismong ang President & CEO Sir Richard S. Villaronte ang nanguna sa pagtunol sa maong tabang ngadto sa mga residenteng naapektuhan sa baha sa maong lugar uban ang News Team sa Juander Radyo Malaybalay.
Kini usa lamang sa mga kinasing-kasing nga serbisyo publiko nga gitunol ngadto sa mga residente nga nanginahanglan sa dinaliang tabang.
Mahinumdumang daghanang mga residente sa Valencia City, Bukidnon ang naapektuhan sa kalit nga pagbaha bunga sa nasinating maot nga panahon.
