Nagmartsa ang mga kabatan-onan gikan sa Luneta Park Surigao padulong sa Saint Paul University Campus isip pagpadayag sa lihok protesta aron batokan ang nagka grabeng korapsyon sa nasud.
Girumbo sa bagang duot sa mga estudyante, maestra, ginikanan, kaparian, madre mga religious sector ug civic groups ang kadalanan padulong sa Rizal Street, dakbayan sa Surigao.
Nanguna usab si Rev. Fr. Carlito M. Tiu kinsa namahayag nga Adlaw sa Pag-ampo ug Pagbarug Alang sa Katin-awan sa grabeng korapsyon sa gobyerno.
Apan naglaom siya nga duna pay kabag-ohan nga mahitabo sa nasud pinaagi sa mga panawagan ug pag-ampo. Usa kini ka higayon sa panaghiusa, ug lihok batok sa korapsyon nga nanikas sa katawhan, nga nagpagrabe sa kakabus, ug nagtraydor sa kaugmaon sa matag pilipino.
