Gibutyag sa Securities and Exchange Commission (SEC) nga ang mga online lending application walay limitasyon sa interes nga ilang ipatuman sa mga kliyente.
Sumala ni Atty. Romarie Abrazaldo, legal counsel sa SEC, ang mga loan transaction sakop sa civil law, tali sa nangutang ug nagpautang mao lamang ang basihanan sa kasabutan.
Gipasabot nga mahimo lamang mareklamo ang taas nga interes pinaagi sa pagsang-at og kaso sa korte, tungod kay sa pagkakaron wala pay balaod nga nagbabag o nagtakda og limitasyon sa rate nga ipatuman.
Tungod niini, gipaambit sa SEC nga ilang ginasusi ang posibilidad sa pagtakda og interest rate ceiling alang sa mga online lending app aron maprotektahan ang mga konsumidor gikan sa dili makiangayon nga bayranan.
Photo credit: Philstar
