Sikop ang duha ka lalaki sa gihimong anti-illegal drug operation sa mga sakop sa Iligan City Police Station 4, niadtong nakalabay nga adlaw sa Purok 8A, Barangay Tambacan, Iligan City.
Gipangulohan ang operasyon ni PCPT Michaelangelo C. Roldan, Officer-in-Charge sa ICPS4- kung asa ilang gipahigayon ang casing ug surveillance batok sa usa ka wanted person sa maong lugar.
Miagi ang mga intel operatives sa usa ka eskinita duol sa usa ka shelter nga gitukod sa kapulisan, ug ilang namatikdan nga na-abli kini, ug sa ilang pagtan-aw sa sulod ilang nasaksihan ug nakita sa klaro nga panan-aw ang duha ka lalaki nga nag-edad 28 ug 18 anyos nga nagpot session sa illegal nga droga.
Paspas nga giaresto sa mga awtoridad ang duha ka suspetsado nga mga residente sa Purok 8A, Brgy. Tambacan ug Purok San Miguel, Barangay Tubod, Iligan City.
Gisikop ang mga suspek tungod sa kalapasan sa Republic Act 9165 o ang Comprehensive Dangerous Drugs Act of 2002.
Nasakmit gikan sa ilang nahimutangan ang illegal nga droga nga gibanabana nga motimbang ug 0.088 grams nga adunay street value nga Php 600.00 ug uban pang mga drug paraphernalia. Gikostudiya na ang suspetsado Iligan City Police Station 4 –detention cell alang sa tukmang lakang.
Photo courtesy of ICPS4
