Gipaila-ila sa kadumalahan sa Philippine Statistics Authority (PSA), Lanao del Norte ang bag-ong digital nga version sa National ID nga adunay QR code nga usa ka game-changer sa seguridad ug kasayon sa pag-verify sa identity sa mga Pinoy.
Gipadayag ni Paulo Angelo Lazano, National ID-Provincial Focal Person sa PSA Lanao del Norte, nga ang QR code maoy pinakabag-ong feature nga naglangkob sa tanang impormasyon sa ID, sama sa imong pangalan, fingerprint, petsa sa pag-isyu, ug national ID number.
Mahimo kini nga i-scan gamit ang smartphone o QR code reader, nga paspas ug mas luwas.
Matud ni Lozano, ang maong QR code usa ka dugang nga layer sa seguridad, alang sa mas sayon nga pag-verify sa pagkatawo, ug mas lisod nga kopyahon o peke-on ang ID.
Gihingusgan kini nga inisyatiba sa PSA isip tubag sa panginahanglan sa mas epektibo nga paagi sa pag-ila sa usaka individual, ilabi na sa digital age.
Gidugang pa nga ang bag-ong National ID nga adunay QR code naglatid og dakong lakang padulong sa mas modernong serbisyo publiko ug mas luwas nga transaksyon personal man o online.
Ang pag scan sa National ID simple lang ,una e-search sa google chrome ang everify.gov.ph. ug makita na dayun ang scanner alang sa National ID.
