Paslak na sa prisuhan ang usa ka 53 anyos nga lalaki human nakuhaan sa mga nag-kalainlaing klase sa armas atol sa gikasang Search Warrant Operation sa mga kapulisan sa Purok 1 Barangay San Miguel, Sominot, Zambonga Del Sur, niadtong September 14, 2025.
Gipangalan sa PNP Sominot ang dinakpan nga si “Edilito”, 53 anyos, residente sa lugar.
Ang search warrant gi issue sa Executive Judge, RTC Branch 30, Aurora Zamboanga Del Sur, nga gi serve sa mga kapulisan sa Sominot Municipal Police Station, sa pakigkoordinar sa Aurora, Zamboanga del Sur ug ang 902nd MC, RMFB-9.
Nakuha sa dapit sa dinakpan ang usa ka Colt 45 pistol nag lakip sa duha ka magazine ug adunay 16 ka mga buhing bala, ingon man ang usa ka unit sa shotgun nga aduna gihapon kiniy mga buhing bala, ug ang usa ka 38 revolver.
Sa karon ang mga nakumpiskang mga armas gidala na kini sa Sominot Municipal Police Station, ingon man ang dinakpan temporaryo kining naka nakakustodiya.
Posebling mag atubang na sa kasong may kalabutan sa Republic Act 10591 o Comprehensive Firearms and Ammunition Regulation Act.
Photo courtesy to: Sominot Municipal Police Station
