Kapin sa 35 ka residente sa Barangay, Kitobo Kitaotao Bukidnon ang mitambong sa gipahigayon nga Barangay Orientation kabahin sa Juander Radyo Loyalista Incorporated niadtong Septyembre 6, 2025.
Ang maong kalihokan gipasiugdahan sa Juander Radyo Malaybalay, ubos sa pagpanguna ni Anastasyo Piodos, Cluster Head sa Quezon, Bukidnon Chapter. Miapil usab ang 11 ka mga coordinator gikan sa nagkadaiyang barangay ilawom sa Quezon Cluster aron suportahan ang nasangpit nga kalihokan.
Sa oryentasyon, gihatagan sa pagpasabot ang kamahinungdanon sa pagkamiyembro sa Juander Radyo Loyalista ug ang mga benepisyo nga madawat sa mga tagtungod, sa mitaliwan nga miyembro.
Tumong niini nga mapalapdan ang kahibalo sa mga lomolupyo kabahin sa palisiya ug aron mahimong mas aktibo sila sa pag-apil sa organisasyon. Mainiton nga pag abi-abi ang gipakita usab sa mga barangay opisyal ug katawhan sa nasangpit nga barangay ngadto sa mga bisita.
Human sa oryentasyon, mipaambit usab ug lamiang paniudto ang mga coordinator nga sila Pancheto Bevincia, Diosdado Camado, Paulena Bolilan, Edelyn Mari Monlion, ug uban pa alang sa mga mitambong sa maong oryentasyon.
