Nakabaton ug mas lapad nga access sa mga importanteng serbisyo sa gobyerno ang mga mangingisda sa General Santos City gumikan ang One Stop Shop, Programa ug Serbisyo para sa Mananagat V3, gipahigayon kagahapong adlawa sa GenSan Fishport Complex.
Ang programa nagpadayon sa paghiusa sa mga kasosyo sa gobyerno ug komunidad sa usa ka lugar aron mapaduol ang labor, proteksyon sa katilingban, kahimsog, ug panginabuhian sa sektor sa pangisda.
Lakip sa mga ahensya ug organisasyon nga mitambong mao ang SSS, Pag-IBIG Fund, PhilHealth, PSA, TESDA, BFAR, MARINA, PCG, ECC, OSHC, NBI, PRO 12, RTWPB, NLRC, DTI, PFDA, FPOP, NTC, ug mga buhatan sa lokal nga gobyerno nga nagpaabot sa frontline services ug technical assistance sa mga mangingisda.
Pinaagi niining lig-on nga alyansa, ang One Stop Shop nagsiguro nga ang mga mangingisda dili lamang suportado sa ilang panginabuhian apan gihatagan usab og akses sa komprehensibong proteksyon, kahanas, ug mga programa sa kaayohan nga makatampo sa malungtarong kalamboan sa komunidad.
