Pormal nang nag operate sa iligan City ang MAA Integrated Waste Solution Corporation nga maoy gilaumang sulbad sa dugay nang problema sa basura sa Iligan nga nahimutang sa Central Material Recovery and Composting Facility (CMRCF) sa Barangay Bonbonon, Iligan City.
Nunot niini gipahigayon ang paghiusa sa pwersa tali sa Local Government Unit sa Iligan ug MAA Cooperative aron ipaila ang bag-ong inisyatiba nga nagtinguha sa pagpalambo sa sistema sa pagproseso sa basura sa syudad.
Matud pa ni Aldwin Cabornay, Head sa Public Service Division, nga pinaagi sa maong proyekto makabaton na ang syudad sa malungtarong kasulbaran sa basura.
Maghatag usab kini ug oportunidad sa mga katawhan sa dakbayan nga nagtinguha sa pagpanarbaho. Gipakita usab niini ang dedikasyon sa LGU sa pagprotektar sa environment ug pagpaayo sa kalidad sa kinabuhi sa mga residente.
