Gipadayag sa mga tigdukiduki sa Northwestern University nga ilang nadiskubrehan ang dako nga wanang sa tubig nga reservoir sulod sa 700 kilometro ilalom sa yuta.
Nakaplagan kini human sa pagtuon sa mga seismic waves gikan sa linog nga misumpo samtang miagi sa mineral nga ringwoodite. Matod sa mga eksperto, ang tubig nga anaa sa ilalom sa yuta posibleng tulo ka beses nga mas dako sa tanang dagat sa ibabaw sa kalibutan.
Dili kini likido nga sama sa dagat, kondili tubig nga nasulod sa kristal nga porma sa bato. Ang pagkakaplag niini nagpakita nga dugay na diay nga naglibot ang tubig gikan sa ibabaw paingon sa ilalom ug balik-balik sulod sa bilyon ka tuig.
Nagpasabot kini nga ang ilalom sa yuta adunay dakong papel sa pag-estabilisar sa dagat ug sa pagpadayon sa kinabuhi sa kalibutan.
via: techtimes
