Nagtuo si Presidente Ferdinand Marcos Jr., nga aduna pay paglaom nga masumpo ang lawom nga pangurakot sa nasud bisan pa sa pagkadismaya sa katawhan sa dugay nang kurapsyon sa gobyerno.
Matod sa Presidente, wala siya mawad-i ug paglaom nga mausab ang dunot nga uso, basta adunay klarong aksyon ug lig-on nga baruganan.
Dugang pa niini nga, katungdanan sa gobyerno ang pagtubag sa inadlaw-adlaw nga reklamo sa mga Pilipino nga naapektuhan sa kurapsyon.
Giangkon sa Presidente nga lawom ang ugat sa problema, apan gipasalig niya nga andam siya mohimo og lisud nga mga desisyon aron mapatuman ang tinuod nga reporma.
Gipakasama niya kini sa panultihon, “dili ka makahimo og omelet kung dili nimo mabuak ang itlog,” nga nagpakita sa sakripisyo nga adunay kausaban.
Photo courtesy to:BusinessWorld
