Girekomenda sa Department of Health (DOH) ang pagpakusog ug padayon nga pagsuporta sa mga youth-led peer support group alang sa pagtubag sa nagkagrabeng panginahanglan para sa mga programang may kalabotan sa mental health.
Kalabot niini, gilunsad na sa 50 ka probinsyal ug City-Wide Health Systems (P/CWHS) ang paggamit sa DOH Peer Support Groups Playbook. Kabahin sa playbook ang mga training alang sa mga educational materials para mas labaw pang ablihan sa kabataan ang hilisgutanang mental health.
Pinaagi sa maong pundok, makaangkon ang kabataan og luwas nga dapit kung asa sila paminawon, masabtan ug mamahimong kabahin sa usa ka inklusibo ug pantay nga komunidad.
Base sa DOH National Assessment of the Mental Health Literacy of Filipinos (2024), 2 sa matag 3 ka kabatan-onang Pilipino andam nga mangayo og tabang, usa ka tin-aw nga ilhanan nga abri ang kabataan sa pakigsulti ug pakigtambayayong, labina alang sa dunay ginahambing kaguol.
Photo courtesy to:DOH
