Nasikop ang usa ka babaye sa gikasang drug buy-bust operation sa mga personahe sa Sto. Tomas Municipal Police Station, kinsa giilang si alyas Gracia, 38-anyos, minyo walay trabaho, gikonsiderang Street Level Individual, sa Purok 2-A, Tacor, Barangay Bobongon, Santo Tomas, Davao del Norte, pasado alas-7 sa gabie, niadtong nakalabay nga adlaw.
Gihimo ang operasyon kauban ang 2nd Davao Norte Provincial Mobile Force Company (DNPMFC), uban ang nagkalain-laing departamento sa kapulisan sa maong probinsya, ingon man ang pagtugot gikan sa PDEA pre-operation clearance.
Nasakmit sa kapulisan gikan sa suspetsado ang usa ka dako ug gamay nga heat-sealed transparent sachet nga adunay sulod sa gituohang shabu, usa ka genuine P500 bill nga gigamit isip marked money, unom ka piraso nga resemblance sa P1,000 isip boodle money ug usa ka genuine P200 bill nga marked money.
Ang mga nakuha nga ebidensya adunay gibana-bana nga timbang nga 1.2 gramo sa gituohang shabu nga nagkantidad og P8,160 base sa Standard Drug Price.
Ang suspetsado anaa na karon sa kustodiya sa Santo Tomas Municipal Police Station alang sa saktong disposisyon.
Photo for illustration credits to: the hans india
