Arestado ang usa ka lalaki human nalutsan sa kasong Malversation of Public Funds, atol sa gikasang law enforcement operation sa mga kapulisan didto sa Purok Mercury, Barangay Capisan Tabina, Zamboanga Del Sur, niadtong nakalabay nga adlaw.
Gipangalanan sa PNP Tabina ang dinakpan nga si “Elmer”, 45 anyos, residente sa Barangay San Francisco, Tabina Zamboanga Del Sur.
Ang pagdakop gihimo sa personahe sa Tabina MPS pinaagi sa gahom sa warrant of Arrest nga gi issue sa Presiding Judge of RTC Branch 29, San Miguel Zamboanga Del Sur, penitsahan niadtong Septembre 3,2025.
Hinuon gitugotan ang dinakpan nga maka pyansa sa kantidad nga 90,000.00 pesos aron makabaton sa temporaryong kagawasan.
Sa karon ang dinakpan tanggong na sa Tabina MPS alang sa documentation and proper disposition.
Photo for illustration credits to:prison fellowship
