Personal nga mibisita si Vice Presidente Sara Duterte-Carpio sa Bislig City niadtong Setyembre 8, 2025, isip usa sa mga gipasidunggang bisita sa 25th Charter Day celebration sa syudad sa Bislig.
Gipahigayon ang seremonyas sa Bislig City Cultural & Sports Center diin si VP Duterte nagsilbi isip Guest Speaker sa Opening Ceremony. Gipasalamatan sa Lokal nga Pangagamhanan sa Bislig ang iyang presensya nga naghatag ug mas halangdong timaan sa maong makasaysayanong okasyon sa syudad.
Sa iyang mensahe, gipasabot ni VP Sara Duterte nga andam kanunay ang iyang opisina sa pag-alagad sa mga Bislignon. Iya usab gihatagan og gibug-aton ang importansya sa panaghiusa sa katawhang Pilipino aron batukan ang bisan unsang pamaagi nga makadaot sa nasud.
Samtang alang sa LGU Bislig, ang selebrasyon sa Charter Day dili lamang pagpahinumdom sa makasaysayanong pagtukod sa syudad, apan usa usab ka higayon sa pagtan-aw sa padayon nga kalamboan ug mas hayag nga kaugmaon alang sa katawhan sa Bislig.
Photo courtesy: LGU – Bislig
