Gibutyag ni Pangulong Ferdinand “Bongbong” Marcos Jr. nga wala nay igahin nga pondo alang sa mga flood control projects sa mosunod nga tuig ubos sa 2026 national budget kini atol sa ikaduhang bahin sa iyang ika-upat nga podcast, taliwala sa mga nadiskubre nga substandard ug ghost flood control projects nga gipatuman sa nagkalain-laing lugar sa nasud.
Sumala sa Presidente, dili na apil sa 2026 budget sa Department of Public Works and Highways (DPWH) ang flood control projects tungod kay adunay pa gihapon kapin ₱350 bilyon nga alokasyon gikan sa 2025 nga wala pa magamit hangtod karon.
Bisan pa man niini, gipasabot ni Marcos nga magpadayon gihapon ang mga flood control project apan kinahanglan nga hapsay ug tukma ang paggasto, disenyo, ug implementasyon niini.
Gipunting usab sa Pangulo nga kinahanglan nga tapuson sa mga kontraktor ang ilang gisaligan nga proyekto subay sa specifications, ug sila usab ang dapat motubag sa tanang gasto kon adunay kakulangan.
Photo courtesy to PCO
