Gihimakak ni Ako Bicol Party-list Rep. Zaldy Co ang mga alegasyon nga siya nalambigit sa komisyon sa mga proyekto sa flood control project 2025 national budget.
Gihingusgan usab niini nga walay basehanan ug iresponsable ang mga pasangil nga nitumaw atol sa pagdungog sa Senado.
Matod ni Co, ang mga pamahayag sa magtiayong Sarah ug Curlee Discaya pulos “hearsay” ug may sagol nga politikanhong motibo aron malibog ang publiko ug mabalhin ang tulubagon.
Iyang gipasiugda nga ang 2025 General Appropriations Act gi-certify ug giaprobahan sa Kamara ug Senado, ug gipirmahan sa Presidente.
Dugang pa ni Co nga dunay mga probisyon nga gi-veto ug gipugngan ni Presidente Ferdinand Marcos Jr. ang pagpagawas sa pipila ka pundo.
Apan, tungod kay ang 2025 nga kaso sa GAA pending sa Korte Suprema ug sa Ombudsman, siya usab mipunto nga dili siya makahatag og dugang nga mga komento gawas kung gipugos sa korte.
Photo courtesy to: POLITIKO
