Malampusong napahigayon sa Philippine Charity Sweepstakes Office (PCSO) ang Charity Summit 2025, Setyembre 5, 2025 nga adunay temang “Serving More Through Greater Collaboration,” sa The Manila Hotel.
Nagtumong ang maong summit sa pagpakita sa mga nahimo sa charity program sa PCSO, pagpalig-on sa kooperasyon sa inter-agency, ug pagpaambit sa labing maayo nga mga binuhatan sa serbisyo publiko ug humanitarian nga mga paningkamot.
Nakapang apod-apod na og 1,297 ka patient transport vehicles (PTV’s) sa tibuok nasud ubos sa Medical Transport Vehicle Donation Program ang PCSO nga niabot sa 75.23 porsiyento sa 1,724 ka mga local government units (LGU’s) sa nasud.
Samtang gibutyag sa PCSO general manager atol sa maong kalihukan nga ang P2.5-bilyon nga puhunan nagsiguro nga mas daghang Pilipino, ilabina sa hilit ug kulang nga mga dapit, adunay access sa luwas, tukma sa panahon, ug makaluwas sa kinabuhi nga medikal nga transportasyon.
Gipaambit usab sa opisyal ang mga dagkung milestones sa ahensya, lakip ang P7.97 bilyon nga kantidad sa tabang medikal nga gihulagway sukad 2022, nga nakabenepisyo sa hapit usa ka milyon nga mga pasyente sa tibuok nasud.
Gipasabot niini nga ang maong mga numero, nagpresentar sa mga kinabuhi nga naluwas, mga pamilya nga gihatagan og paglaum, ug mga komunidad nga mas maayo nga naserbisyuhan.
Photo Courtesy to: PCSO
