Gipadayon sa House Committee on Appropriations ang deliberasyon sa gisugyot nga P6.793 trilyon nga national budget para sa fiscal year 2026 niadt Setyembre 4, 2025.
Gipasiugda sa diskusyon ang P320.5 bilyon nga pundo para sa Department of Health (DOH), lakip na ang mga attached agencies niini ug Government-Owned And Controlled Corporations (GOCCs nga korporasyon).
Ang DOH ang adunay ikatulo nga kinadak-ang alokasyon ubos sa 2026 National Expenditure Program, sunod sa Department of Education, ug Department of Public Works and Highways .
Usa sa mga nag-unang gitutokan sa pagdungog mao ang pagpatuman sa Zero Balance Billing (ZBB) usa ka programa nga gipahibalo ni Presidente Ferdinand Marcos Jr. sa iyang ikaupat nga State of the Nation Address sa tumong nga masiguro nga dili na kinahanglang mobayad ang mga pasyente sa mga batakang kapuy-an sa mga tambalanan sa DOH.
Gipangutana ni Deputy Minority Leader ug ACT Teachers Party-list Rep. Antonio Tinio, si Health Secretary Ted Herbosa kung pila ang dugang nga pondo nga gikinahanglan aron maapil ang mga outpatient, o kadtong mga pasyente nga dili kinahanglan nga ma-admit sa ospital sa ZBB.
Matod ni Sec. Herbosa, ang mga serbisyo sa outpatient sa pagkakaron dili sakop sa ZBB, ug 30% sa pondo alang sa programa gikan sa mga bayad sa konsultasyon sa outpatient.
Wala mohatag og tukmang kantidad si Secretary Herbosa, apan matod niya nga gitun-an na sa DOH ang posibleng pagpalapad sa ZBB coverage isip kabahin sa paningkamot sa gobyerno sa pagpalig-on sa serbisyo sa panglawas.
via: DOH
