Gi-ablihan na sa kagamhanan sa Ukraine ang bag-ong sistema sa edukasyon diin ang mga klase gipahigayon sa underground tungod gihapon sa padayon nga pagpamomba sa Russia.
Matod sa lokal nga kagamhanan, kapin sa 17,000 ka estudyante ang kasamtangang karon sa pito ka underground schools , samtang tulo (3) pa ka eskwelahan ang giplanong ablihan sunod tuig.
Gigamit usab karon ang pipila ka train station isip temporary classroom aron mapabalik ug gamay sa normal nga kinabuhi ang mga kabataan.
Bisan pa nga adunay paglaom nga magkasinabtanay ang Ukraine ug Russia alang sa kalinaw, daghan pa usab sa mga ginikanan ang midawat nga layo pa ang normal nga kinabuhi.
Bisan pa niini ,gusto gihapon nila nga ang ilang mga anak masanati sa aktuwal nga pagsulod sa eskwelahan.
Bisan pa sa peligro, nagpadayon ang paningkamot sa mga ginikanan, magtutudlo, ug kagamhanan aron mapadayon ang edukasyon taliwala sa kagubot.
Photo courtesy of TVP World
