Nanghinamhinam si Julia Barretto sa iyang bag-ong teleserye kauban si Enrique Gil human sa kapin usa ka dekada nga wala sila magkapartner sa usa ka proyekto. Ang duha ka artista unang nagka loveteam sa fantasy-romance series nga Mirabella niadtong 2014.
Sumala pa sa aktres, dako ang iyang kalipay ug excitement nga napilian siya sa bag-ong serye, ug mas nalipay siya nga makig-uban pag-usab kang Enrique nga dugay na niyang kanhi leading man. Gikatakda kini pagadumalaon sa iladong direktor nga si Antonette Jadaone.
Gipadayag usab ni Julia nga usa kini ka oportunidad nga magpakita sa iyang talento ug pag-uswag isip aktres. Gilauman usab nga maghatag kini og bag-ong kilig ug emosyonal nga eksena nga makapahimuot sa mga manan-aw.
Gawas sa iyang pagbida sa teleserye, giangkon ni Julia nga nalipay siya sa kasinatian nga nahimong guest host sa Eat Bulaga. Matod pa niya, nakahatag kini kaniya og higayon nga makapakita sa lain nga aspeto sa iyang personalidad.
Photo Courtesy: latestchika.com
