Malampuson nga gipahigayon sa TESDA Provincial Training Center Davao del Sur ang usa ka Bangus Deboning Training alang sa mga Persons Deprived of Liberty (PDL) nga kababayen-an sa Digos City District Jail – Female Dormitory.
Gipasiugdahan ang kalihokan ubos sa pagpanguna ni JSINSP Ellen Rose C. Saragena, nga padayon nga nagsuporta sa mga programang pangkalamboan para sa mga PDL.
Tumong sa training nga matudluan ang mga partisipante sa praktikal nga kahanas sa pag-debone sa bangus, makahatag og oportunidad sa panginabuhian sulod ug gawas sa piitan, ug makapalig-on sa rehabilitasyon aron andam sila pagbalik sa komunidad.
Pinaagi sa TESDA, nakat-on ang mga PDL sa hustong proseso sa pagtangtang sa tinik sa bangus, usa ka abilidad nga taas ang panginahanglan sa industriya sa pagkaon. Gawas sa teknikal nga kahanas, napamati usab sa mga PDL nga aduna silay kapasidad nga makab-ot ang kalampusan ug makabangon pag-usab.
Photo courtesy to: TESDA DAVAO REGION
