Gisaulog sa Wodaabe tribe sa West Africa, ang usa ka talagsaon nga kultura nga giselebrar matag tuig ang Gerewol Festival, nga giila usab sa ngalan nga “Agawan ng Asawa Festival.”
Sa maong tribu, dili ang mga babaye ang magpagwapa, kondili ang mga lalaki ang maningkamot nga magpagwapo. Manayaw sila sulod sa pila ka oras aron makapili o makadani og dalaga o bisan asawa na sa laing lalaki.
Sa kultura sa Wodaabe, ang pagpanguyab bisan og kasado na ang babaye dili bawal, ug gidawat kini sa ilang katilingban. Ang mga lalaki pwede mangilog og asawa basta gusto usab sa babaye.
Sa laing bahin, ang mga babaye sa tribo adunay kagawasan sa pagpili og daghang uyab. Pwede sila mobalhin-balhin og kapikas, ug wala kini’y dakong isyu sa ilang komunidad.
Ang Gerewol festival usa ka kultural nga pasundayag sa kagwapo, sayaw, ug kagawasan sa pagpili og kapikas, nga lahi sa kasagarang panlantaw sa kalibutan bahin sa relasyon.
Photo courtesy of africa 101 last tribes
