Gipahibalo sa Department of the Interior and Local Government nga walay kalabotan sa armas procurement ang relief order batok kang Torre. Matod sa DILG, gisugo lamang ni Remulla ang kanhing hepe nga susihon ang operational necessity sa usa ka unsolicited proposal alang sa pagpalit og 80,000 ka armas para sa PNP. Apan si Torre mitubag nga dili kini kinahanglan ug girespeto kini sa kalihim.
Gibutyag usab nga ang maong transaksyon dili mahimong ipatuman gawas kung adunay congressional insertion kay wala kini nalakip sa National Expenditure Program. Niadtong Agosto 25, 2025, mipirma si Presidente Ferdinand Marcos Jr. sa mando sa pagpahawa kang Torre, nga gilagdaan ni Executive Secretary Lucas Bersamin.
Giklaro sa DILG nga wala’y kasong kriminal o administratibo nga gisang-at batok sa kanhing hepe, ug ang desisyon gimugna aron mapalig-on ang rule of law ug integridad sa institusyon.
Photo courtesy to: Philstar.com
