Malampuson ang tulo ka adlaw nga 34th Mindanao Business Conference nga gipahigayon sa syudad sa Tagum niadtong nakalabay nga adlaw.
Gitambungan kini sa mga nagkadaiyang investor nga anaa na ug mga buot pang mobutang sa ilang mga pamatigayon sa dakbayan.
Dinapit nga bisita sa maong okasyon si Davao del Norte 1st District Representative Cong De Carlo Uy, kinsa mipaklaro sa iyang lig-on nga pakigtambayayong sa publiko ug pribadong sektor alang sa pagmintinar sa inklusibong paglambo.
Gisiguro sa kongresista ang iyang pasalig nga dalhon ang tingog sa katawhan ngadto sa Kongreso ug mohimo og mga balaudnon aron matino ang angayan alang sa kalambuan sa Mindanao.
Photo courtesy to:34th Mindanao Business Conference
