Arestado ang usa ka 49 anyos nga lalaki human madakpan sa kapulisan sa gikasa nga law enforcement operation sa may Purok 1, Barangay Cabilinan, Aurora Zamboanga Del Sur, niadtong nakalabay nga adlaw
Giila ang dinakpan sa alyas “Juanito” 49 anyos minyo usa ka Wi-fi lnstaller, residente sa Lungsod sa Tukuran Zamboanga Del Sur.
Ang pagdakop gihimo pinasikad sa gahom sa warrant of Arrest alang sa Republic Act 9262 kun Violence Against Women and Their Children Act, pinetsahan kaniadtong August 26,2025.
Hinuon, gitugotan kining maka pyansa sa kantidad nga 144,000.00 pesos aron makabaton sa temporaryong kagawasan.
Sa karon ang dinakpan pabilin nga nakakustudiya sa Tukuran Municipal Police Station alang sa saktong disposasyon.
Photo courtesy to:Tukuran Municipal Police Station
