Gipahinumdoman sa Civil Service Commission (CSC) Caraga ang tanang aplikante og trabahante sa gobyerno nga magmatngon sa ilang mga gipang-post sa social media tungod kay kabahin kini sa background investigation nga ginahimo sa proseso sa pag hire.
Matod pa ni Marilyn T. Yballa, hepe sa Public Assistance and Liaison Division sa CSC Caraga nga adunay mga ahensya nga nagtan-aw dili lamang sa pamatasan sa aplikante sulod sa opisina, apan lakip na ang pamatasan niini sa social media.
Pahimangno usab sa tanang empleyado sa gobyerno nga ang ilang mga post nagrepresentar dili lamang sa ilang kaugalingon, apan apil usab ang integridad sa ilang ahensya, busa gikinahanglan ang responsable ug etikal nga pamatasan online.
Photo courtesy to: CSC Caraga
