Gibutyag sa Philippine Navy nga ang People’s Liberation Army Navy (PLAN) sa nasud China, nagdeploy og tugboat duol sa BRP Sierra Madre sa Ayungin Shoal sa West Philippine Sea (WPS) niadtong Lunes.
Miluwat usab og pahayag ang tigpamaba sa Philippine Navy alang sa WPS Rear Admiral Roy Vincent Trinidad atol sa usa ka gipahigayong press briefing, nga dili kini hinungdan sa pagkaalarma.
Matud pa ni Trinidad nga samtang dili kini hinungdan sa alarma, dili usab kini rason nga mangandam kita sa pagguyod nila sa BRP Sierra Madre. Magkinahanglan pa kini og labaw pa sa usa ka tugboat aron makuha ang BRP Sierra Madre.
Gitumbok ni Trinidad nga ang plano nga magdeploy sa tugboat alang sa ilang kaugalingong “defensive purposes.”
Photo courtesy to: Manila Bulletin
