Nadakpan sa PNP Caraga ang 109 ka suspek sa droga ug nasakmit ang P3,357,839.32 nga kantidad sa ilegal nga droga sa nagkalain-laing operasyon sa rehiyon gikan Agosto 1 hangtod 25, 2025.
Sumala sa datos sa Regional Operations Division, kapin sa 493 gramos sa shabu ug 17 gramos sa marijuana ang nasakmit gikan sa 97 ka anti-drug operations.
Sa provincial offices, ang mga nadakpan ug nasakmit nga kantidad sa droga mao ang mosunod:
Surigao del Sur PPO: 30 ka indibidwal, P1,052,300.00
Butuan City Police Office: 15 ka suspek, P1,023,400.00
Agusan del Norte PPO: 13 ka suspek, P601,065.60
Surigao del Norte PPO: 29 ka indibidwal, P458,713.72
Agusan del Sur PPO: 19 ka suspek, P72,760.00
Regional Drug Enforcement Unit: 2 ka indibidwal, P68,000.00
Regional Intelligence Division: 1 ka indibidwal, P81,600.00
Ang mga nadakpan naglangkob sa 39 ka High-Value Individuals (HVI) ug 70 ka Street-Level Individuals (SLI), nga giakusahan sa paglapas sa Republic Act 9165 o Comprehensive Dangerous Drugs Act of 2002.
SOURCE: PRO13
