Nauso ang Sky Burial o ang pamaagi diin ang patay nga lawas gibutang sa taas nga bukid aron madunot tungod sa hangin ug panahon, o kaunon sa mga mananap sama sa buwitre, Kini nga pamaagi sagad sa nga gipahigayon sa Tibet, ug sa ubang pang kasilinganang mga lugar.
Sa relihiyon nga Vajrayana Buddhism nga gisunod sa kadaghanan sa mga Tibetan ug Mongol, gituohan nga ang espiritu mobalhin sa lain nga kinabuhi, busa ang lawas walay bili ug kinahanglan lang nga hipuson, pinaagi sa pagkaon sa mga langgam o sa kinaiyahan. Praktikal usab kini tungod kay lisod kaluton ang yuta didto ug kulang ang kahoy alang sa pagsunog sa lawas.
Apan, sa panahon sa Cultural Revolution, gidili kini sa gobyerno sa Tsina tungod kay giisip kining pamahiin ug tungod sa isyu nga nagkagamay ang populasyon sa mga buwitre. Bisan pa, aduna gihapon pipila ka dapit nga nagapadayon sa pagbuhat niini karon.
Photo courtesy to:wildmind
