Nahadlok ug nahibulong ang mga personahe sa crematorium nga ang usa ka gituohang patay nga Indiano nimata sa dihang i-cremate na unta kini. Ang maong lalaki giila nga si Rohitash Kumar, 25-anyos, ug adunay deperensya halos dili makalitok ug makadungog.
Sumala pa sa impormasyon nga dunay sakit nga epilepsy ang nasampit nga indiano ug gidala sa ospital sa Bhagwan Das Khetan (BDK) district hospital sa Rajasthan nasud India.
Sa dihang naghimo ug Cardio Pulmonary Resuscitation kon (CPR) ang mga doctor, nasayran nga na-flatline ang heart rate niini sa electrocardiogram kun asa nagtuo nga patay na kini.
Wala na usab kini nila gipaagi ug mortem examination ug gideretso kini sa morgue, ug giplastar sa funeral pyre aron sunugon isip sa tradisyon sa mga Hindu.
Sa wala pa nisiga ang kalayo nabantayan kini sa personahe sa crematorium ug nagbantay sa ritwal nga nakamatikod nga naglihok si Rohitash rason nga wala nila gipadayon ang pag cremate ug naluwas kini sa hingpit nga kamatayon.
Samtang ang tulo ka doctor nga wala mihimo sa postem mortem sa biktima ang temporaryong gipalagpot tungod sa ilahang pagkadanghag.
Photo for illustration credits to: Punjab news express
