Patay nang napalgan ang usa sa ka 42 anyos nga lalaki human kini nag hunos sa kaugalingon niyang kinabuhi didto sa Purok 4, Barangay Barubuhan Sominot, Zamboanga Del Sur, August 25, 2025, mga alas 7:15 sa buntag. Ang biktima nailhang si “Jarred” 42 anyos, mag-uuma, ug residente sa nahisgutang lugar.
Matud pa sa kabanay, dili lang kini ang unang higayon nga nag attempt ang biktima sa pag hunos sa iyang kinabuhi. Apan niining tungora wala na kini nabantayan hinongdan nga nakahimo kini sa pag kutlo sa iyang kaugalingon kinabuhi.
Samtang ang biktima matud pa, nakasinati kini ug grabing depression tungod sa financial problem. Gisusi usab sa mga kapulisan ang patay’ng lawas sa biktima apan wala silay nakitang foul play sa kamatayon niini. Sa karon ang patay’ng lawas sa biktima gipahiluna na sa mga kabanay niini.
Nanawagan ang kapulisan ngadto sa mga nakasinati ug depression labina sa mga kabanay nga kini idangop sa experto aron matambagan ug dili na mosangpot sa samang panghitabo.
Photo Courtesy: ZSPPO
