Patay nang napalgan ang usa ka lalaki sa spillway sa Purok 3, Brgy. Canipay Sur, Midsalip, Zamboanga del Sur, Agosto 25, 2025. Giila ang biktima nga si Manuel Maen, 39 anyos, minyo, dunay duha ka anak ug lomulopyo sa Barangay Simpak, Lala, Lanao del Norte.
Napalgan matud pa ang patay’ng lawas sa biktima sa usa sa mga residente sa maong lugar nga maoy mitaho sa kasilinganan ug nagpahibalo sa kapulisan.
Dali nga miresponde ang kapulisan sa maong dapit aron masusi ang patay’ng lawas sa biktima , diin nasuta nga nakaangkon kini og pito ka samad dinunggaban sa nagkadaiyang parte sa kalawasan.
Sa pagkakaron ang patay’ng lawas, nakuha na sa pamilya gamit ang rescue vehicle sa nasangpit nga lungsod.
Samtang ang suspetsado human sa hitabo ang boluntaryo ra usab nga mitahan sa Midsalip Municipal Police Station aron tubagon iyang salaod nga nahimo.
Photo Courtesy: ZSPPO
