Nadakpan sa kapulisan ang usa ka pinangita sa balaod sa gilusad nga operasyon sa kapulisan sa Barangay Barris, Tubod, Lanao del Norte,bag-ohay pa lamang. Ang dinakpan nalista isip Top 5 Most Wanted Person Provincial Level, 41 anyos, nga residente sa nahisgutan nga lugar.
Ang operasyon nahimong malampuson sa pagpanguna sa CIDG Lanao del Norte PFU kauban ang LDN PIT RIU10, SWAT/1st PMFC LDN PPO, Pagadian CPS, ZSPIU, ug Tubod MPS.
Nahimo ang pagdakop pinasikad sa gahom warrant of arrest gumikan sa 12 counts of rape dinukitan sa Article 266- A (1) in relation to Article 266 -B sa revised penal code.
Ang warrant of arrest gi-isyu sa Presiding Judge, Family Court Branch 6, 9th Judicial Region, Pagadian City, pinetsahan kaniadtong May 27, 2025. Walay gitugot nga pyansa ang korte bugti sa temporaryong kagawasan sa suspetsado.
Ang akusado sa karon nakakustudiya na sa CIDG Lanao del Norte Provincial Field Unit alang sa tukmang lakang.
Photo Courtesy: ZSPPO
