Luwas ng nakauli sa Pilipinas ang kapin 20 ka mga Pinoy nga gilangkuban sa siyam mga lalaki ug 14 ka mga babaye nga nahimong biktima sa pagpangabuso ug napugos nga mahimong scammers sa Cambodia, sumala ni Bureau of Immigration (BI) Commissioner Joel Anthony Viado.
Ang mga nasampit nga biktima nga gikan pa sa Phnom Penh, Cambodia, luwas nga nakauli sa nasud niadtong Agosto 23 didto sa Ninoy Aquino International Airport (NAIA) Terminal 3.
Kahibaloan nga narecruit ang mga biktima pinaagi sa social media nga adunay mga saad nga trabaho isip customer service representative ug adunay gipasalig nga suweldo nga $1,500 USD kada bulan. Apan, imbes nga nindot ug hayahay ang ilang mahimong trabaho, sila gi-abuso ug gitamas tamasan.
Gani, sumala pa sa mga biktima nga ila na lang gidawat ang $300 USD nga suweldo ug napugos sa pagtrabaho isip mga love scammer nga target nga biktimahon mga lalaki sa Europe.
Dugang niini, ug dili matod pa nila maabot ang quota ginasilotan sila pinaagi sa squatting exercises ingon man pagpangdagmal sa pisikal ug verbal.
Photo Courtesy to:BI-Assistance.PH
