Nakabalanse ang usa ka lalaki nga 64-anyos si Aristotelis Valaoritis ang 511 ka kopita sa iyang ulo nga adunay timbang nga 63 kilos, human niya malamposon nga nakuha ang world record alang sa titulo nga “most wine glasses balanced on the head”.
Si Valaoritis usa ka propesyonal nga “glass dancer” sukad pa ni adtong 1995 usa ka tradisyon sa Cyprus diin ang mananayaw nagbabalansi sa mga kopita sa ulo samtang nagasayaw.
Sa iyang bag-ong pagsuway, gipahimutang ang mga baso sa 8 ka plywood layers ug hinay-hinay nga gisaka gamit ang forklift ngadto sa iyang ulo. Human maplastar, gikinahanglan niyang ibalanse kini sa sulod sa 15 segundos nga dili mo gamit sa iyang mga kamot ug walay bisan usa nga nabuak.
Matod sa lalaki nga “Gusto niyang ipakita nga anaa gihapon ang iyang abilidad ug gugma sa iyang gibuhat, “Tungod sa dedikasyon ug praktis, natuman niya ang tinguha,ug gipanghambog kini isip usa ka tradisyon.”
Kahibaloan nga kaniadto naka daug na siya nga nakabalansi ra siya ug 319 ka kopita, apan karon mas giilang labaw pa ang iyang bag-ong kadaugan nga nagpamatuod sa iyang talento ug dedikasyon.
PHOTO Courtesy: Philstar
