Giduso ni Senator Mark Villar ang usa ka sugyot balaodnon nga gitawag og “Teachers Home in School Act” nga nagtinguha nga hatagan og libreng on-site living facilities ang mga magtutudlo sa mga pampublikong tunghaan.
Sumala sa senador, ang maong sugyot makatabang labi na sa mga magtutudlo nga nagpuyo sa lagyo ug nagkinahanglan nga magrenta og puy-anan aron mas duol sa eskuylahan ug sa ilang mga estudyante. Iyang gipasabot nga ang tumong niini mao ang paghatag og luwas ug disente nga puloy-anan ang mga magtutudlo samtang nagserbisyo sila sa komunidad.
Pinaagi samaong sugyot, gilauman nga mapaayo ang kahimtang sa mga magtutudlo ug mas mapalambo pa ang ilang kapasidad sa pagtudlo.
Photo courtesy to: Mark Villar fb page
