Paslak sa prisohan ang usa ka 34-anyos nga lalaki sa Iowa, USA, human gigasto niini ang pondo sa kompanya aron lamang nga makapalit ug mga Pokemon cards ug uban pang gaming items.
Ang suspek naila nga si Mitch William Gross kinsa nakulong sulod sa 4 ka bulan human gigasto niini ang $140,000 US Dollar o kapin sa $8 milyon pesos nga pondo sa kompanya sulod sa mga business-related credit card.
Nasayran sab nga gipeke ni Gross ang mga resibo nga iyang gihatag sa iyang amo ug kini gihimo niya sukad pa niadtong Septiyembre 2021 hangtod Oktubre 2022.
Tungod niini, mobayad usab siya og $146,590.15 nga kantidad gawas sa sentensiya sa iyang pagkapriso. Gani, ug makagawas na kini sa karsel mupailalom pa usab kini sa supervised release nga mulungtad sa 3 ka tuig.
Photo courtesy to:liveNow from fox
