Nagtanyag karon ang Department of Health (DOH) ug libreng Special Nursing Review Program (SNRP) alang sa mga underboard nursing graduates.
Sa usa ka pamahayag, gi-anunsyo sa ahensya nga samtang nagpaabot ang mga nurse graduate sa ilang lisensya pwede silang mahimong Clinical Care Associates (CCA).
Kini nga inisyatiba nagtumong sa pagsulbad sa kakulang sa health care workers sa nasud ug paghatag usab ug kahigayonan sa mga underboard nursing graduates nga makaangkon ug mas maayong kahigayonan nga makapasar sa board exam.
Kalabot niini, gi-awhag ang tanang interesadong underboard nurses, nga mag-apply alang sa SNRP, pwede silang muduol sa pinakaduol nga ospital sa DOH ug makigcoordinate sa mga chief nurse o pwede usab nga muadto sa pinakaduol nga Center for Health Development ug makig coordinate sa mga training specialist.
Ang mga aplikasyon mahimong isumite hangtod sa Setyembre 5, 2025.
photo courtesy to: inquirer.net
