Nanawagan si Agriculture Secretary Francisco Tiu Laurel Jr. sa Kongreso nga suportahan ang gisang-at nga reporma sa Rice Tariffication Law (RTL) aron maprotektahan ang lokal nga mga mag-uuma sa humay.
Uban sa House Bill No. 1 o Rice Industry and Consumer Empowerment Act, plano sa kagamhanan nga ibalik ang gahum sa National Food Authority (NFA) aron makatabang sa pagdumala sa presyo ug supply sa bugas ilabi na kon adunay krisis.
Gipasabot ni Laurel nga tungod sa liberalisasyon sa importasyon, miubos ang presyo sa palay hangtod P8 kada kilo, nga layo ra sa gasto sa produksiyon bisan sa labing epektibo nga mag-uuma. Dugang pa niya, dili tinuod nga ang P20 kada kilo nga rice program sa gobyerno maoy nakapaluya sa presyo sa palay.
Base sa datos sa NFA, misugod og nibalik ang presyo sa palay human gisuspinde ni Presidente Ferdinand Marcos Jr. ang pag-angkat og bugas sulod sa 60 ka adlaw sugod Setyembre 1.
Dugang pa ni Laurel nga ang solusyon dili subsidy apan market control, ug kinahanglan nga ibalik ang aktibong papel sa NFA aron makatabang sa pagdumala sa balanse sa interes sa merkado ug katawhan.
Iyang giingon nga ang bugas dili lang pagkaon apan simbolo usab sa seguridad sa pagkaon sa kapin 112 milyon nga Pilipino.
via:NFA
