Balhog na sa karsel si Alias Nestor”, 39 anyos kinsa residente sa Barangay Bagumbayan, Lupon, Davao Oriental human kini nasikop sa gikasang buy bust operation sa pagpanguna sa mga personahe sa Lupon Municipal Police Station ug sa pakigtimbayayong ubang mga operating units didto sa Purok Dalisay, Barangay Corporacion munisipyo sa Lupon.
Gikasa ang anti-illegal drug operation, pasado alas 5:59 sa hapon niadtong nakalabay nga adlaw, diin ang suspek nakuhaan ug 6 ka small heat sealed transparent plastic sachet nga adunay sulod sa gituohang shabu. Nakumpiska usab ang usa ka cellphone, lighter ug ang marked buy bust money.
Giimbentaryo ug gimarkahan dayun sa lugar sa nahitaboan ang mga nasakmit nga ebidensya uban sa mga presensya sa Barangay Kagawad sa Corporacion, Media Representative ug mga kawani sa Provincial Prosecutors Office Davao Oriental.
Sa karun gikustodiya na sa Lupon Municipal Police Station ang dinakpan kinsa mag atubang sa tukmang kaso maykalabotan sa RA 9165 kun comprehensive dangerous drugs act of 2002.
Photo Courtesy: Lupon MPS
