Mibida ang usa ka hotel sa Fukuoka, Japan sa internet tungod sa ilang talagsaong pamaagi sa pag-promote. Nagtanyag kini og usa ka kuwarto nga mamahimong puy-an sa $1 lang matag gabii, apan kinahanglan nga ang imong pagpuyo naka-live stream sa YouTube.
Ang maong kuwarto, nga gitawag og Room 8, nahimong sentro sa atensyon sa mga lokal ug langyaw. Sa kantidad nga 60 pesos, makatulog na ang usa ka tawo sulod sa usa ka gabii.
Kinahanglan usab nga pirmahan ang usa ka kasabutan sa imong pag-stay, gikan sa pagsulod hangtod sa paggawas, nga naka-broadcast live sa internet 24/7. Apan aron maseguro ang proteksyon sa mga bisita, giklaro sa hotel nga walay audio ang live stream.
Dugang pa, pribado gihapon ang comfort room ug banyo aron dili maapektuhan ang personal nga pribasiya sa mga guest.Matud pa sa tag-iya sa hotel, ang ideya niini aron makamugna og buzz ug madani ang daghang turista.
Gilauman usab niini nga ang income gikan sa YouTube views makadugang sa ilang kita.
Photo courtesy:Gerard Kaonga
