Ang sentro sa Bagyong “Isang” base sa datos sa PAGASA karong adlawa, nahimutang sa 270 kilometros kasadpan sa Bacnotan, La Union. Nagdala kini og kusog nga hangin nga 65 kilometros matag oras duol sa sentro ug adunay gikusogon nga 80 kilometros matag oras. Ang moang bagyo nagalihok padulong kasadpan sa gipaspason nga 25 kilometros matag oras.
Tungod sa epekto sa Southwest Monsoon o Habagat, gilauman nga makaapekto kini sa Central Luzon, Southern Luzon, Visayas ug Mindanao. Ang mga dapit nga sakop niini makasinati og mga pag-ulan.
Ang Zamboanga Peninsula ug Misamis Occidental, makasinati sa mapanganuron nga kalangitan uban sa katag-katag nga pag-ulan, kilat ug pagpanalugdog.
Hinay ngadto sa kasarangan nga hangin ang magagikan sa habagatang kasadpan ngadto sa kasadpan nga direksyon ug ang kadagatan hapsay ngadto sa kasarangan ang pagbalud.
Photo courtesy to:PAGASA
