Usa ka baka sa Brazil ang nakab-ot ang bag ong record tungod sa pinakadaghang produksyon niini sa gatas sulod sa tulo ka adlaw pinaagi sa pagprodyus og 343 ka litro o 90.6 ka galon nga gatas, kini atol sa dairy tournament sa Brazil.
Sa maong torneyo sa Delfim Moreira sa habagatang Minas Gerais, usa ka Girolando nga baka ang nakatala sa bag-ong nasudnong rekord pinaagi sa pagprodyus niini og 343 ka litro nga gatas sulod sa tulo ka adlaw. Ang baka usa ka Girolando breed, gikan kini sa Holstein ug Gir nga mga baka nga maayo sa pagprodyus og taas nga porsyento sa gatas.
Kahibaloan nga kasagaran sa Girolando nga baka muabot og 3,600 ka litro o 950 ka galon nga gatas kada 305 ka adlaw nga lactation period. Gani, ang ubang breed makaprodyus lamang ug mga 100 ka litro o 26.4 ka galon kada adlaw.
Sa kasamtangan, padayon nga gina-atiman ang mga baka sa maong lugar ug padayon usab nga gipauswag ang produksyon sa gatas niini.
Photo courtesy to: Dairy Global
