Giaprobahan sa National Police Commission (NAPOLCOM) ang mga bag-ong adjustment sa allowance sa tanang sakop sa Philippine National Police (PNP).
Matod ni NAPOLCOM Commissioner Vice Chairperson ug Executive Officer Atty. Rafael Vicente Calinisan, kini aron masiguro nga makadawat sila og igong suporta sa ilang pagpadayon sa pagtuman sa ilang serbisyo ug mandato sa publiko.
Sa NAPOLCOM en banc memorandum circular no. 2025-004, ang bag-ong adjustment sa allowances naglangkob sa probisyon sa subsistence, quarters, clothing ug hazard pay.
Ang circular naglakip usab sa combat duty ug incentive pay, sea and flying duty allowances, hardship allowances ug uban pang operational benefits.
Ang pagpatuman sa bag-ong allowance system ubos gihapon sa availability sa pundo ug base usab sa desisyon sa Department of Budget and Management (DBM).
Matod ni Calinisan, makatabang kini sa pagpalig-on sa moral sa mga polis tungod gawas sa ilang sakripisyo isip law enforcers, alang usab kini sa pagpalig-on sa ilang kaisog ug kahanas sa pagserbisyo sa katawhan.
Photo Courtesy: Philippine National Police
