𝐕𝐏 𝐒𝐀𝐑𝐀 𝐃𝐔𝐓𝐄𝐑𝐓𝐄, 𝐆𝐈𝐇𝐈𝐌𝐀𝐊𝐀𝐊 𝐀𝐍𝐆 𝐀𝐋𝐄𝐆𝐀𝐒𝐘𝐎𝐍𝐆 𝐏𝐀𝐋𝐏𝐀𝐊 𝐀𝐍𝐆 𝐏𝐀𝐆𝐃𝐔𝐌𝐀𝐋𝐀 𝐒𝐀 𝐃𝐄𝐏𝐄𝐃

Gihimakak ni Vice Presidente Sara Duterte ang mga pasangil sa Malacañang nga pakyas ang iyang paglingkod isip Kalihim sa Department of Education.

Ang Bise Presidente niingon nga sa pagkatinuod, wala gidawat ni Presidente Ferdinand Marcos Jr. iyang pagluwat isip Kalihim niadtong 2024 ug giingong gipangutana pa kon gusto ba niya og laing posisyon sa gabinete apan iya kining gibalibaran.

Matod ni Duterte nga wala siya masayod kung asa nagikan ang gipadayag nga napakyas iyang paglingkod isip Kalihim sa DepEd ug giingong usa lang kini ka pagpangdaot kaniya.

Una nang niingon si Palace Press Officer Undersecretary Claire Castro nga pakyas ang paglingkod ni Duterte isip Kalihim sa DepEd tungod kay atrasado ang nasud sa sektor sa edukasyon itandi sa ubang kanasuran.

via:reuters