Gisiguro sa gobyerno sa Uganda nga andam kini modawat sa mga asylum seekers nga wala gidawat sa Estados Unidos.
Sumala sa Ministry of Foreign Affairs sa Kampala, ang kasabutan gibase sa kondisyon nga ang mga asylum seekers gikan sa third world countries wala’y kriminal nga record ug kung mga menor-de-edad ang moabot, kinahanglan nga adunay kauban nga hamtong.
Dugang ni Vincent Bagiire Waiswa, ministry’s permanent secretary nga sa karon ang Uganda adunay kapin sa 1.7 milyon ka mga migrante, hinungdan nga kini maoy giila nga pinakadako nga gapangkupkop sa mga migrante sa tibuok Africa.
Kahinumduman nga gikatakdang ipa-deport ni US President Donald Trump ang pipila ka milyon nga undocumented immigrants, hinungdan nga daghan sa kanila posibleng mangita nga mosagop kanila nga nasud sama sa Uganda.
via: Reuters/J. Arena
