Nagpaabot sa mainiton nga mensahe si Presidente Ferdinand R. Marcos Jr. sa iyang asawa nga si First Lady Louise “Liza” Araneta-Marcos sa adlawng natawhan niini.
Sa usa ka social media post, gitawag ni Marcos ang iyang asawa nga “first and only lady,” ug giila kini isip lig-on nga kauban, mahigugmaong inahan, ug usa ka kugihan nga First Lady nga nagserbisyo alang sa katawhan.
Si Liza, nga usa ka abogada ug dugay nang propesor sa balaod, aktibong nagasuporta sa mga programa alang sa kababayen-an ug kabataan, legal aid, ug community outreach. Giya usab siya sa flagship initiative nga “Lab for All” nga naghatag og libre nga medical consultations, diagnostic services ug tambal sa mga komunidad, uban sa DOH ug LGUs.
Bisan sa iyang mga adbokasiya, nagpadayon si Mrs. Marcos sa pagtudlo isip akademiko ug kanunay nga nag-uban sa Presidente sa mga opisyal nga kalihukan sa sulod ug gawas sa nasud.
source:PNA
photo credits:abogado
