Giila sa Guinness World Records ang usa ka babaye 64-anyos taga U.S. isip pinakatigulang nga babaeng competitive skateboarder sa tibuok kalibutan human napamatud-an sa kapin lima ka dekadang dedikasyon sa sport.
Naila nga maong Senior Citizens nga si Judi Oyama, usa ka Asian-American, gihatagan sa titulo nga βoldest competitive skateboarder (female)β sa World Skate Games sa Italy. Nagsugod siya sa skateboarding niadtong 1973 sa edad nga 14 anyos, sa panahon nga halos walay representasyon ang kababayen-an sa maong dula.
Bisan pa sa stigma ug kakulang sa kategorya para sa mga babaye, apil gihapon siya sa mga kompetisyon sa kalalakihan ug nahimong usa sa mga unang babaye nga nakadawat og sponsorship.
Sa iyang karera, daghan siyag nakab-ot: nagdaog siya sa Slalom World Championships sa edad nga 43 ug na-induct sa Skateboarding Hall of Fame niadtong 2018. Ang pipila sa iyang gamit gikan sa dekada β70 ug β80 karon apil na sa koleksyon sa Smithsonian Museum.
Hangtod karon, padayon pa gihapon siyang misalmot sa internasyonal nga kompetisyonβlakip na ang iyang pagka-miyembro sa U.S. National Slalom Team niadtong 2023.
Gawas sa pakigkompetensya, aktibo usab siya sa pag-mentor sa mga batang babayeng skater ug nagsilbing Bise Presidente sa Board Rescue, usa ka charity nga nagahatag og skateboard sa mga kabataang kabus.
Wala nako gibati nga tigulang na ko gawas lang kung motan-aw ko sa salamin ug makita ang akong mga kulubot. Pero sa akong pagbati, mas kusgan ko karon kaysa kaniadto,β ingon ni Oyama.
Ang iyang kasinatian usa ka inspirasyon pamatuod nga ang edad dili makapugong sa usa ka tawo nga nagpadayon sa iyang hilig ug pangandoy.
photo credits:google
